This website uses cookies

Cookies remember you so we can give you a better service online. By using this website or closing this message, you are agreeing to our Cookies noticeClose
Skip to content
« back to encyclopedia search results

Address to the Haggis (Robert Burns c.1786, in the Standard-Habbie form)

'Fair fa' your honest, sonsie face,

Great chieftain o' the puddin'-race!

Aboon them a' ye tak your place,

Painch, tripe, or thairm:

Weel are ye wordy o' a grace

As lang's my arm.

The groaning trencher there ye fill,

Your hurdies like a distant hill,

Your pin was help to mend a mill

In time o'need,

While thro' your pores the dews distil

Like amber bead.

His knife see rustic Labour dight,

An' cut you up wi' ready sleight,

Trenching your gushing entrails bright,

Like ony ditch;

And then, O what a glorious sight,

Warm-reekin', rich!

Then, horn for horn, they stretch an' strive:

Deil tak the hindmost! On they drive,

Till a' their weel-swall'd kytes believe

Are bent like drums;

Then auld Guildman, maist like to rive,

“Bethanket!” hums.

Is there that owre his French ragout

Or olio that wad staw a sow,

Or fricassee wad mak her spew

Wi' perfect sconner,

Looks down wi' sneering, scornfu' view

On how unfit!

But mark the Rustic, haggis-fed,

The trembling earth resounds his tread,

Clap in his walie nieve a blade,

He'll mak it whissle;

An' legs an' arms, an' heads will sned,

Like taps o'trissle.

Ye Pow'rs wha mak mankind your care,

And dish them out their bill o' fare,

Auld Scotland wants nae skinking ware

That jaups in luggies;

But, if ye wish her gratefu' prayer,

Gie her a Haggis!'

Reviews / Comments

Not yet reviewed

Be the first to add a review